Txistulariek eman zioten ongietorria ekitaldiz jositako egunari eta ondoren, haurrentzako rokodromoa eta tirolina prestatu zituzten elkartearen atarian. 11.00etan berriz, Aurrera pilota eskolako pilotariek partidak jokatu zituzten plazan eta elkarteko dantzariek ere eskaini zuten ikuskizuna eguerdi partean.
Ondoren, Incansables txarangaren eskutik karraperantz abiatu ziren bazkideak urteroko bazkariaz gozatzeko. Otorduaren ostean, 18.00ak aldean, Ingurutxoa dantzatu zuten ehun bat lagunek plazan.
Jai eguna Agerralde gizon orkestraren kontzertuarekin amaitu zen Aurrera elkartearen atarian.
__
