 |
| dantza.eus |
Francisco Beruete dantzari ohien elkarteak eta Nafarroako Dantzarien
Biltzarrak antolatzen dute ekimen hau.
Lizarraldeko herri dantzen tailerrak antolatuta eta Nafarroako Dantzarien Biltzarraren laguntzarekin "Dantzazaleak" argazki erakusketa eta Dantzan Enparantzan izango dugu hilabete honetan Lizarran.
'Oinazez' ikusgarria Nafarroan gozatzeko parada izanen dugu, hilaren 18an, Lizarrako Larraiza dantzari taldeari esker. Alurr dantza taldearen lan berria 20:30etan hasiko da Golem aretoetan eta gizabanakoak aldaketen aitzinean duen beldurra izanen da jorratuko duten gaia. Dantza tradizionala eta modernoa uztartzen ditu ikusgarriak, zuzeneko musikak lagundurik eta argi joko ikusgarriekin. Aita Donostiaren obrak eman dio izena Alurr dantza taldearen lan berri honi. Aiert Beobide Alurr eskolako irakasle eta koreografoaren gidaritzapean 28 dantzari taularatuko dira Beobide beraren zein Katixa Perearen koreografiak dantzatzeko. Musika ere zuzenekoa izanen da, Jagoba Astiazaranek zuzendurik. Zuzendariak sortu ditu lan honetarako doinuak eta jadanik bazirenen konponketa lanetan ibili da. Aitzitik musikariak ez dira ikusiko, oihal baten gibelean egonen baitira. Beraz, haien itzalak baizik ez dituzte antzemango ikusleek. Eszenatokiaren zorua ere berezia izanen da: zuria. Iker Garciaren esku den “argiztapen berezia azpimarratzeko” erabaki dute berezitasun hau sartzea.
'Sua' izan zen talde ibartarraren aurreko lana, baina horretan ez bezala honetan gidoi “anbiguoa” aurkituko du ikusleak. Gizabanakoak gauza berriak frogatzeko duen beharra eta horren ondorioaren beldurra azaleratuko du 'Oinazez' lanak. Taldearekin zerikusi zuzena duen ideia hau dantzaren mundura ekarriko du Adurrek. Protagonistak dantza tradizionalaz gain bestelako estilo modernoagoak aurkituko ditu eta haien arteko nahasketak teknika berri baten jabe eginen du. Hasieran ez dute ez modernoek ez tradizionalek onartuko, baina azkenean protagonistak bere bidea aurkituko du eta gizarteak zein kulturaren eta dantzaren munduak onartu eginen du.
Aiert Beobide zuzendari eta koreografoa gustura dago egindako lanarekin. Bere aburuz aurreko lanekin alderatuz hagitz ezberdina da hau. “Koreografien estiloa efektu apalagoduna izanen da eta musika ezezagunagoa, baina obra landuagoa da eta aurrekoek baino gehiago transmititzen saiatzen da”, azaldu du.
Dantzarekin Korrika
Alurr dantza taldearen 'Oinazez' ikusi nahi duenak 3 euro baizik ez du ordaindu beharko Golem aretoetan sartzeko. Sarrerekin bilduko den dirua, baina, euskarari emanen zaio, aurten ospatuko den Korrika 17ri zehazki. Larraiza dantzari taldeko Fitok jakinarazi duenez “garrantzitsua” da ahalik eta jende gehien biltzea, apirilean eginen den martxara bideratuko baitira irabaziak.
Dantza taldeetan makina bat neska- mutilek ezagutu dute elkar eta familia aunitz ere sortu dira. Lizarrako Francisco Beruete dantzari ohien Elkarteak erakusketa antolatu du gai honetan oinarriturik. Honekin batera hitzaldia eta mahai-ingurua ere prestatu dute azaroaren 30ean eta abenduaren 1ean hurrenez hurren.
Erakusketa Lizarrako Fray Diego kultur-etxean izanen da azaroaren 26an hasi eta abenduaren 12ra arte. Heldu den asteartean, azaroaren 30ean, Mikel Aranburu mintzatuko da kultur etxean bertan 19:30ean. “Por amor al baile y por el baile el amor” izanen da bere hitzaldiaren izenburua. Hurrengo egunean leku eta ordu berean, dantzak azken mendean izan duen bilakaera izanen dute hizpide Pedro Romeok, Karlos Irujok eta Patxi Labordak.
En los grupos de dantza se han conocido muchos chicos y chicas, y de ahí han surgido muchas familias. De esto tratará una exposición que ha organizado la Asociación de exdantzaris Francisco Beruete de Estella. Además de esto se celebrará una charla y una mesa redonda.
La exposición estará abierta desde el 26 de noviembre hasta el 12 de diciembre en la casa de cultura Fray Diego de Estella. El martes 30 de noviembre Mikel Aranburu ofrecerá una charla en el mismo lugar a partir de las 19:30. “Por amor al baile y por el baile el amor” será el título de dicha charla. El día siguiente, a la misma hora y lugar, será el turno de Pedro Romeo, Karlos Irujo y Patxi Laborda, que tratarán sobre “la evolución de la dantza en el último siglo”.
