Makiletan, sustraiak

Hemen duzue Iker Tubia dantzari eta kazetariak Berriarako egin duen erreportaiaren hasiera:

Nafarroako hegoaldeko herrietan ohikoak dira makil dantzak, antzerkia eta dantza uztartzen dituzten erritualak. Herri gehietan XIX. mendean galdu baziren ere, orain askok berreskuratu egin dituzte.

Ona eta gaiztoa. Txikitatik ikasi ohi du gizakiak bata eta bestea bereizten. Banaketa sinple horren bidez ulertu ohi dira munduko arazorik sakonenak ere. Ongiak eta Gaizkiak borrokan dihardute etengabe, eta borroka horren irudia dira Nafarroako Erriberan egiten diren makil dantzak. Ebro ibarrean antzerkia eta dantza uztartzen dituen tradizioak alaitzen ditu herrietako bestak: paloteado edo dancea deitzen diote han. Geroz eta herri gehiagotan, XIX. mendean bezala ia. Cortes, Tutera, Ribaforada, Fustiñana, Murchante eta Ablitasen urtero ateratzen dira makil dantzariak plazara; Monteagudon hiru urte dira emanaldia bertan behera utzi zutela. Halaxe egiten dute artzainek, nagusiek, deabruek eta aingeruek ere, makil dantzetako ezinbesteko pertsonaiek. Heldu den urtean beste herri bat gehituko da makil dantzen zerrendara: Cabanillas.

Irakurtzen jarraitu nahi baduzu jo dantzan.com-era.