2011/09/22

Dugunak ezpata-dantza eginen du hirugarren urtez

Irailaren 25ean Aldapako San Ferminen omenezko eguna ospatuko da Iruñean, santua hil zutenekoa gogoratzeko. Duguna dantza taldeak ezpata-dantza pazaratuko du hirugarren urtez jarraian, eta ohiko ibilbidea eginen du. Aurten, gainera, berritasuna dakar: Irradaka. Kantatu egiten den soka-dantza hau aurten estreinatuko dute San Fermin Aldapakoaren elizaren parean.


Protokoloa:




  • 11:30 - Arrotxapeko zubian: Bandera arbola eta kortejoaren irteera
  • 12:15 - Aldapako San Ferminen elizatik: Aldapako San Ferminen prozesioa
  • 13:15 - Udal plazan: San Fermin aldapakoaren ezpata-dantza

Behin udal plazatik gure egoitzara itzulita eta buruzagiaren eta zerbitzariaren bilantzikoaren ostean, soka montatu eta San Fermin Aldapakoaren eliza aurrekaldera abiatuko gara soka-dantza hau egitera. Irradakak soka dantzatu eta abestuak izaten dira eta gureari Julio Soto bertsolariak jarri dizkio hitzak, "Iya guriak egin du" melodiari:

1) Altxa burua dantzari
Eragiozu hankari

Zuri  entzule horri
Gure pozen jatorri
Gozatu, ongi etorri

2) Elkarri esku emanda
Ilusioz eramanda

Hankak hona, harantza
Bihotzak ahorantza
Has dadila soka dantza

3) Sokari korapiloa
Eta lotura piloa

Dantzatzera, kantura
Kaleetan kultura
Hori da gure lotura

4) Gaitzetatik, minetatik
berriz libratzeagatik

Esker handi askoa
behar bezalakoa
San Fermin aldapakoa

5) Beharrezko  zaitugunez
Zoriontsu nahi dugunez

Segi babes ematen
Herria eramaten
Gure zaindari izaten

6) Kalea bizi nahi dugu
Kaleak bizi gaitu gu

Kolore zuri gorriz
Notei pausoa jarriz
Hurrengo urtean berriz

7) Eskerrik asko ikusle
bidearen erakusle

kantari ta orroka
segi luzatzen soka
jarri mundua saltoka

NAFARROAKO DANTZARIEN BILTZARRAren WEB BERRIA- NUEVA PAGUINA WEB DE NAFARROAKOA DANTZARIEN BILTZARRA

  OHARRA!!   Jakinarazten dizuegu 2023ko irailaren 1etik aurrera. Paguina honek ez du jarduerarik izango.   WEB PAGUINA berria dugu!!   WEBG...