Euskara eta euskaltzaleak dantzan paratu nahi dituen ekimena sortu da. Karrikiri, Nafarroako Euskal Dantzarien Biltzarra eta Zaldiko Maldiko elkarteek dantza eguna prestatu dute larunbaterako. Karrikak berreskuratu eta dantza karrikaratzeko ekimena, hilero errepikatuko dena. Mercaderes karrikan musikariak eta dantzazaleak bilduko dira 18.30etan. Halaxe eginen dute hilero, hirugarren larunbatarekin beti.
Dantzaldi zabala izanen da, talde ezberdinetako musikarien doinuak lagun. Errepertorio anitza izanen da: dantza jauziak, dantza lotuak, jotak, arin arinak, ... d
enetarik eta denendako. Dakitenek eta ikasten dabiltzanek dantzan goza dezaten. Gainera, parte-hartu nahi duten musikariek partiturak sarean dituzte. Entsaioetara joatea da Karrikadantzan musika tresna jotzeko baldintza bakarra.
Animatu bada, larunbat arratsalde bikaina pasatzeko aukera paregabea duzu dantzari!!
